De urticatione : dissertatio inauguralis medico-chirurgica ... / auctor Ferdinandus Oswaldus Ruh.

  • Ruh, Ferdinand Oswald.
Date:
1847
Catalogue details

Licence: Public Domain Mark

Credit: De urticatione : dissertatio inauguralis medico-chirurgica ... / auctor Ferdinandus Oswaldus Ruh. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    11/34 (page 11)
    aequalis, in laudanda urticatione modum adeo excessit, ut verba ejus jocosa magis quam vera videantur; mam- mas enim puellae virginis, si urticis caedantur, lac edere posse, affirmat (cf. Sprengel, Gesch. d. Arzneik. 1801. Bd. III. S. 334). Utrum auctor haec omnino finxerit, an specie deceptus fuerit, dirimere nequimus. Idem urti- cationem remediis melancholiae medentibus interponit. Baco Verulamiensis (Opp. omnia. 1665. pag. 54b), Caldani auctoritate nixus, iis remediis urticationem ac- censet, quae facultatem habeant attractivam ad partes exteriores et debitam nutrimentorum distributionem per corpus adjuvent. Postea in curandis morbis alia epispastica palmam praecipere coeperunt urticationi, quae, quamquam debitus honor nequaquam ei derogabatur, rarius in usum vocari solebat. Utrum causa in eo fuerit, quod urtica- tionis administratio quandam crudelitatis speciem prae se ferre medicis videbatur, an in eo, quod non quovis anni tempore urticae recentes in promptu sunt, in suspenso relinquendum est. Morbi, quos hoc remedio impugnare consueverant medici, maximam partem chronici erant, cum diminuta vitalitatis manifestatione conjuncti, imprimis paralyses, contra has enim medio saeculo superiore v. Swieten (Commentar, in Herm. Boerhav. Aphor. T. III. p. 388), Hufeland, Arnemann (Hufeland’s Journ. Bd. XV. St. 2 S. 154), Behr, alii urticationem commendabant et cum successu adhibebant. Praeterea id auxilii gemis contra rheumatismos pertinaciores, impo- tentiam virilem, dysuriam, melancholiam, lethargiam in usum vocabatur, quod opera therapeutica et pharmacologica tum temporis edita nobis persuadent. Applicatio urtica- tionis contra acutos morbos recentiori demum aevo deberi