Partium externarum oculi humani : imprimis organorum lachrymalium ; descriptio anatomica iconibus illustrata / auctore Ioanne Christiano Rosenmüllero.

  • Rosenmüller, Johann Christian 1771-1820.
Date:
1810
Catalogue details

Licence: Public Domain Mark

Credit: Partium externarum oculi humani : imprimis organorum lachrymalium ; descriptio anatomica iconibus illustrata / auctore Ioanne Christiano Rosenmüllero. Source: Wellcome Collection.

Provider: This material has been provided by Royal College of Physicians, London. The original may be consulted at Royal College of Physicians, London.

    14/136 (page 10)
    Qua ratione id egerim, breviter referam. Priusquam respicerem ea, quae ab aliis de partibus illis exposita-et disputata essent, partes inquirendas in statu suo naturali speculabar et perscrutabar. Quum inquisitionem primam absolvissem, accidit, ut in manus mihi veniret liber continens iudicium acre et vehemens Mor- gagni, Viri clarissimi, quod fecerat de Bianchi observationibus organorum lachry- lralium. Non inficior animadversiones meas ad similitudinem observationum Bianchi proxime accessisse, et quamvis intelligebam, iudicium Morgagni iustissimum et gravissimum esse, tamen miserebat me scriptoris illius iuvenis, quem viderem, cum se novi quid invenisse opinaretur, nimio gaudio exultantem et triumphantem obser- vationes suas vulgasse, antequam illas diligentius examinasset et probasset. Huius igitur viri exemplo admonitus, has partes saepius disquisivi, neque solum cultello, verum etiam ita, ut earum structuram coquendo, macerando', hu- moribusque variis infundendis investigarem et perscrutarer, \ , Simul legi eorum, quae alii de his rebus conscripserant, omnia quaecunque possem. Ita factum est, ut observationibus aliorum labores et conatus mei aliqua ex parte adiuvarentur, quamobrem iustum et aequum duxi, scriptores, quos in- spexissem et adhibuissem, grate nominare et commemorare. Sed ne forte nomina horum scriptorum saepius notata lectoribus molestiam aliquam exhiberent, aut ne ea, quae ego dicturus essem, commiscerentur cum iis, quae apud alios legissem at- que illud et ex ordine rerum exponendarum et ex oratione ita praeluceret, ut sermo inconcinnus et inordinatus fieret, numerum librorum a me inspectorum in fines in- dicis ex ordine temporis, quo singuli conscripti essent constituti, redegi, qui ipse labor effecit id, ut collecta quaedam existerent, historiam cognitionis partium de- scriptarum magna ex parte illustrantia.