Commentatio de contractura et ancylosi genu : nova methodo violentae extensionis ope sanandis / auctore B.R.C. Langenbeck.

  • Langenbeck, Bernhard Rudolph Conrad von, 1810-1887.
Date:
1850
Catalogue details

Licence: Public Domain Mark

Credit: Commentatio de contractura et ancylosi genu : nova methodo violentae extensionis ope sanandis / auctore B.R.C. Langenbeck. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/22 (page 8)
    musculares agnosceremus, numero quidem multo inferiores, sed alias a norma non recedentes. In talipede equino ante 46 annos propter hydropem ventriculorum et cerebri atrophiam exorto paralytico gastrocnemium musculum pallidum quidem macieque vidi extenuatum multasque fibrillarum vaginas cellulis adiposis repletas musculari sub- stantia deficiente, at simul magnum eumque superantem muscularium fibrillarum numerum. Vera autem et totalis carnis muscularis in adipem mutatio, (pialem Bardeleben u) nuperrime descripsit insignem, in totali para- lysi observatur, motu artuum omnino extincto. §• 3- Quae res utut se habet, chloroformi usus quam certissime me edocuit, musculos multorum annorum spatio contractura rigentes neque ut relaxarentur neque ut rursus sese contraherent facultatem prorsus amisisse. Notum est illud, chloroformum inhalatum primo facultatis sentiendi defectum sequi, deinde musculorum qui voluntati obediunt relaxationem. Contractos autem si volumus relaxare musculos, altiori quodam narcoseos gradu plerumque opus est. Sed ut chloroformi vis atque effectus valde discrepat pro differentia naturae, habitus, morum, vitae generis, ita non semper eandem exserit vim in musculos con- tractos. Ubi musculorum solummodo adest contractura, nulla articu- lationum aut fasciarum organica accedente mutatione, musculi sponte relaxari solent aut leni tractui cedere, ubi narcosis ad eum qui necessarius est gradum producta sit. Jam musculorum tensionem vel inter manus, ut hoc utar, diminui contractosque artus vix ulla adhibita tractione recte sese dirigere sentias. Tempus, per quod contractura perstiterat nullius esse momenti videtur ut facilius aut plenius jam musculi relaxentur. In capitis obstipi casu, quod jam per XV. annos duraverat, musculus sternomastoides dextri lateris valde contractus nullo fere nostro adjumento relaxatus est, ubi narcosis ad majorem gradum erat chloroformo perducta. In alio juvene XXII. annorum, post humeri luxationem VI. hebdomadum repositam (pium antibrachium per 11) Uber die Uimvandlnng von Muskelgewebe in Fett. Jenaische Annal. f. Physiol. u. Medicin. II. Bd. 1. Hft. 1850. S. 14.