Commentatio de contractura et ancylosi genu : nova methodo violentae extensionis ope sanandis / auctore B.R.C. Langenbeck.

  • Langenbeck, Bernhard Rudolph Conrad von, 1810-1887.
Date:
1850
Catalogue details

Licence: Public Domain Mark

Credit: Commentatio de contractura et ancylosi genu : nova methodo violentae extensionis ope sanandis / auctore B.R.C. Langenbeck. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    7/22 (page 5)
    musculari varias ob caussas irritatis producitur, ita fit ut musculares fibrillae recta linea ubivis contractae breviores, simulque diametro transversali adaucta crassiores evadant. Musculorum, qui animales vocantur, contractio plerumque velox, subitanea et uno temporis mo- mento inclusa excipitur relaxatione insequenti: fieri autem potest nostra voluntate ut musculi contractio per longius temporis spatium persistat. Uterque contractionis modus in morbis observatur, hic in tonico, in clonico spasmo ille obvius. Musculus clonico spasmo allectus si partibus mobilibus adhaeret, ipso paroxysmi momento motus fit involuntarius; sin major partium moles, ipse musculus brevior fit et tumidus apparet donec con- tractio spastica relaxatione excipiatur. Tonico contra spasmo affecti musculi rigent tensique apparent aut, si partibus mobilibus luerint inserti, has proprius adducunt in brevius contracti. Perstat haec muscidorum contractio et quae inde sequitur artuum curvatura, quin etiam increscit, quam diu musculus spasmo correptus sit musculique insertiones proprius inter se accedere potuerint. Jam vero, quod certe miraberis, non desinit musculorum contractura sed permanet vel potius augetur, quamvis spasticae suae affectionis caussae, systematis nervosi aut musculi ipsius morbi videlicet, jam dudum remotae fuerint. Nimirum enim ipsa musculorum contractura et quae inde profecta erat artuum curvatura caussa exstat contractionis ulterioris, quod antagonistarum altero superato et debilitato, continuo alterius adversarii conspicua emergat actio necesse est. Musculi quem vocamus tonus est illa contractio voluntati omnino non obnoxia, qua fibra muscularis perpetuo, dum viget corpus, ad brevitatem adspirat. Hac elastica retractione fit, ut, licet musculi fines quam proxime ad invicem accedant vi, ut ita dicam, passiva, semper tamen quidam intensionis gradus in musculo persistat. Dimi- nuitur vero elastica musculorum contractilitas inter labores, augetur quiete. Hinc musculorum vires inter labores exhaustae, hinc rigiditas si justo diutius quieverint. Jam vero hic tonus muscularis cum tan- tis sit obnoxius mutationibus, e nervis pendeat necesse est, quum illae, quas xar’ i^oyriv vocamus, elasticae telae ne morte quidem suam virtutem elasticam amittant. Musculorum aequilibrium ubi ullo modo turbatum est, fortiores musculi tono suo retrahuntur, cui contracturae organicae nomen in-