Infantis androgyni historia et ichonographia accedunt de sexu et generatione disquisitiones physiologicae et tabulae V aeri incisae / auctore Jacobo Fidele Ackermann.

  • Ackermann, Jacob Fidele.
Date:
1805
Catalogue details

Licence: Public Domain Mark

Credit: Infantis androgyni historia et ichonographia accedunt de sexu et generatione disquisitiones physiologicae et tabulae V aeri incisae / auctore Jacobo Fidele Ackermann. Source: Wellcome Collection.

Provider: This material has been provided by Royal College of Physicians, London. The original may be consulted at Royal College of Physicians, London.

    6/132
    Quemadmodum enim hi Mercurii Venerisque filium cum Nympha Salinace in unum idemque corpus sed utriusque sexus genitali praeditum confluxisse mytho consignarunt: Mercurio genitore satum, genitrice Cythera, Nominis ut mixti, sic corporis hermaphroditum. Ita et sculptores pictoresque hermaphroditos finxerunt, in quorum corporibus elaborandis eo praecipue omnem impenderunt operam, ut amabiles artuum muliebrium formas vegeto virilis corporis robori adde- rent. Non quidem hi genitalium duplicem statuerunt ordinem, sed vel virilia addiderunt organa vel obvelata pubis regione anceps spectatorum circa sexum judicium studio reliquerunt. Artificum simulacra ad ipsa speciei humanas individua transferre ausi sunt medii aevi physici ac medici eo temeritatis progressi, ut perfecta in uno eodemque individuo utriusque sexus organa assererent, et idonea eadem ad utrasque sexus functiones pessimo sane omine pronunciarent. Auxerunt haec incuriorum commenta, qui illos secuti sunt, observa- tores minus attenti non certe lyncei, qui, cum revera homines viderant ambiguo genitali instructos, ut difficile fuerit dictu ad quem sexum per- tineant, nunc priscas de hermaphroditis fabulas recoquentes dari revera utroque sexu potentes asserere non dubitarunt. Contradixerunt alii, qui re, ut autumabant, accuratius perspecta, omnes hermaphroditismo similes genitalium species vel in augmento singularum adparatus genitalis partium, vel in decremento earundem sitam esse audacter pronunciabant, et unum tantum in quocunque in- dividuo sexum necessario adesse debere uno ore affirmabant. Hanc sen- tentiam amplexi sunt principes nostro sevo in arte viri, qui vel si feminea forma praepolluit, monstrosam ab elongata clitoride genitalium formam Par.sonio duce statuebant, aut vero si habitus virilis excelluit, Halleri opinione seducti Hypospadiam, id est dilatatae et sub pene apertae ure- thrae vitium accusabant, integras et immutabiles sexus in utroque casu functiones strenue defendentes.