De regeneratione tendinum post tenotomiam, experimentis illustrata : dissertatio inauguralis physiologico-chirurgica ... / publice defendent auctor Adolphus Gerstaecker ; opponentibus E. Bethe, P. Polenz, E. Wolter.

  • Gerstaecker, A. (Adolph), 1828-1895.
Date:
[1851]
Catalogue details

Licence: Public Domain Mark

Credit: De regeneratione tendinum post tenotomiam, experimentis illustrata : dissertatio inauguralis physiologico-chirurgica ... / publice defendent auctor Adolphus Gerstaecker ; opponentibus E. Bethe, P. Polenz, E. Wolter. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    5/36
    PROOEMIUM Tenotomia subcutanea ex tempore, quo primum ab 111. Stromeyer chirurgiae operativae addita est, quam late collaudata et adhibita sit, quantamque utilitatem in sanandis musculorum contracturis viginti per annos praebuerit, quum ab omnibus satis cognitum sit. hoc loco latius explicari necessarium non puto. Rationem vero, qua curatio illa aegris auxilium afferat, accuratius cognoscere, quamvis multis medicis praecipue practicis, solo eventu fausto contentis, inutile appareat, tamen omnibus, qui altioribus studiis se dederunt, sane ju- cundissimum esse debet: nam equidem arti medicae talem dignitatem, qualem vindicari sibi vult, convenire non existimo, nisi omnium experimentorum in corpore humano adhibitorum physiologiam matrem agnoscat. Tali modo physiologiam principatum in scientiis medicis obtinere censenti, tenotomiae quoque theoriam cognoscere et perscrutari gratus atque acceptus labor mihi visus est, ne hujus quidem rei ratione habita, quod exacta ejus no- titia in exercenda operatione magnam utilitatem chirurgo afferre possit. At quum jam antea illustrissimi nonnulli chirurgi, eidem sententiae addicti, huic rei incumbentes experimenta in animalibus ad observandam tendinum