Humani corporis fabricae ac functionum analysis adumbrata. [Preceded by] Ad humani corporis analysim illustrandam oratio habita ... die XXI Januarii, an. MDCCCXVII / [Luigi Rolando].

  • Rolando, Luigi, 1773-1831
Date:
1817
Catalogue details

Licence: Public Domain Mark

Credit: Humani corporis fabricae ac functionum analysis adumbrata. [Preceded by] Ad humani corporis analysim illustrandam oratio habita ... die XXI Januarii, an. MDCCCXVII / [Luigi Rolando]. Source: Wellcome Collection.

    6/68 (page 6)
    fandi copiam suppeterent, ast quae non a vestris jam ratiociniis illustrata ? Prae caeleris commemorationis , laudisque digna se sisterent tot Italorum Clinicorum eximii labores, ac summae utili¬ tatis inventa, quibus tam brevi temporis spatio magna in medicae artis exercitio lux fuit allata; dum non solum abscondita morborum indoles rectius explanata, sed et non adhuc perspectae efficacis- simorum remediorum vires haud communi sagacitati scrutatae, atque detectae fuere. Sed, et quot controstimuli sic dictae doctrinae fundamentum praebent excogitata , aut experimentis deducta praecepta forsan acutissimis vestris disquisitionibus ex omni parte ad trutinam revocata pluries non exaudivi ? An quidquid commodi, pulchri, vel excelsi exhibet haec Brunonis , ac Darwinii soboles sollicitis Rasori , Borda , ac Tommasini curis exornata amplificatum , purgatum , vestrisque observationibus confir¬ matum , aut quod minus firmi rejectum toties haud intellexi ? Quid igitur diutius in istis morari juvat, quae alioquin a meo instituto me nimis removerent ? Quamobrem tutum, providurnque magis mihi videtur consilium vestris sub auspiciis inquirere num sufficienter tot pulcherrimae pathologicae , ac therapeuticae notiones cum illis , quae ab anatome suppeditantur, sint connexae, firmamque basim ab ipsa depromant. Relictis nunc non adeo celebratis theoriis , quaeso , num sic firmiter sint innixae , quae a Brunoniana incitabilitate dedu¬ ctae : si affirmatur, iterum quaeso, quae partes, quae organa, qui apparatus, quae systemata afficiuntur toties quoties tot modis , a tot salutiferis , morbosisque causis temperata , mu-